ने. सं. ११४६ चाैलागा चर्हे - मातातीर्थ चःह्रे

म्हिगः नं कुहांवल लुँया भाः

येँ (नेपालभाषा टाइम्स) – लुया भाः म्हिगः हाकनं कुहां वःगु दु। म्हिगः छापावाला लुँ प्रतितोलां १००० तका कुहां वःगु खः । म्हीग प्रतितोला १८०० कुहां वःगु लुँया भाः म्हिगः नं द्वःछि तका कुहां वयेव तोलाया ९१५०० तका कायम जूगु खः । उकथं हे तेजाबी लुँया भाः म्हिगः ९१००० हजार कायम जूगु दुसा वह प्रतितोला न्यातका कुहां वयाः ११७५ तका कायम जूगु दु । अमेरिकाया राष्ट्रपतिया चुनावी लिच्वःयात आःया राष्ट्रपति डोनाल्ड ट्रम्पं स्वीकार यायेवं उकिया लिच्वः लुँ वहःया बजारय् लाःगु विश्लेषण जुयाच्वंगु दु । अमेरिकाया निर्वाचित जुयादीम्ह राष्ट्रपति जो वाइडेनं कमजोर जुयाच्वंगु अमेरिकी डलरयात मजबुत यायेगु व कोरोना संक्रमण नियन्त्रण यायेगु धकाः हःगु नीतिया कारणं नं लुँया भाः कुहां वःगु विश्लेषण लुँ व्यापारीपिंसं याःगु दु ।