प्यम्ह युट्युबरत ज्वन

येँ – प्रहरी प्रधान कार्यालयया साइबर ब्युरों चरित्र हत्या याइगु भिडियो, अन्तर्वार्ता व फोटो सहित विवरण प्रसारण याःपिं प्यम्ह युट्यबरयात ज्वंगु दु ।

युट्युब च्यानलपाखे मिस्तय्गु चरित्र हत्या याःगु द्वपनय् उमित ज्वंगु खः दु । ज्वंपिं दैनिक खबर च्यानलया सञ्चालक प्रदीप भण्डारी, हरेक पलको खबर च्यानलया सञ्चालक शिशिर अधिकारी, सराइचुली मिडिया युट्युबया सञ्चालक पिंकला कार्की व मोर्डन अनलाइन टिभि युट्युब च्यानलया सञ्चालक रोधन राईयात येँय् ज्वंगु खः ।

प्रहरीया कथं उमित चरित्र हत्या जुइगु लिसें इज्जत प्रतिष्ठाय् किचः लाइगु व घृणा न्यंकीगु सामग्री प्रसारण यानाः विद्युतीय कारोरबार ऐन, २०६३ अन्तर्गतया कसुर याःगु द्वपनय् मुद्दा दायर याःगु दु ।