कांग्रेस १८ वडा इकाईया अधिवेशन

येँ – नेपाली कांग्रेस १८ वडा कमिटीया अधिवेशन क्वचाल । वंगु असोज ५ गते जूगु अधिवेशनं वडा इकाईया न्हूगु ज्यासना पुचलय् सभापति बाहेक मेगु दक्वं पदय् निर्विरोध निर्वाचित जूगु खः ।
अधिवेशनं १८ म्हेसिया वडा इकाइ समिति व १६ म्ह क्षेत्रीय प्रतिनिधि नं ल्यःगु दु । वडा इकाइया सभापति पदया निंतिं हेराकाजी प्रजापति, रामकृष्ण महर्जन व राजेश श्रेष्ठं उम्मेदवारी बियादीगु खः । सभापतिया निंतिं जूगु चुनावय् प्रजापति निर्वाचित जुयादीगु खः ।

वडा इकाईया मेपिं पदाधिकारीइ गुनालक्ष्मी महर्जन व अनिस श्रेष्ठ उपसभापति, नबिनलाल श्रेष्ठ व राजन शाक्य सचिव, जितेन्द्र महर्जन व सुनिल डंगोल सहसचिवय् निर्विरोध जुयादीगु दु । थुकथं हे मिसा दुजलय् रमिता हिरा महर्जन व कमला नकःमि, अनिता शाही, इरफाना बानु मेपिं दुजलय् गंगामान महर्जन, कान्छा महर्जन, राजेश शाही, बाबुराजा महर्जन, नरेन्द्रमान कपाली, श्याम शाही, प्रकाश महर्जन निर्वाचित जुयादीगु दु ।

क्षेत्रीय प्रतिनिधिइ गजेन्द्रमान मानन्धर, इन्द्रलाल सिंह, मिलन वैद्य, दामोदर धौभडेल, डिल्लीराम नकःमि, चिनु श्रेष्ठ, कमला नरसिंह सुवाल, पुरुषोत्तमलाल सिंह, राजन महर्जन, बद्रीराम मानन्धर, उपेन्द्र श्रेष्ठ, रगेन्द्रमान सिंह प्रधान, भिष्मराज जोशी, सरस्वति महर्जन व दिलिप शाक्ययात ल्यःगु दु ।

कांग्रेसया १४ क्वःगु महाधिवेशनयात ध्यानय् तयाः धमाधम वडास्तरय् अधिवेशन जुयाच्वंगु दु ।