ने. सं. ११४६ बछलागा एकादशी - अपरा एकादशी, चित्तधर हृदय या १२०क्वःगु बुदिं

म्हिगः थःनेयाः

येँ -यँयाः पर्वया झ्वलय् म्हिगः श्री कुमारीया थःनेयाः न्यायेकल । थःनेयाः धकाः श्री कुमारी, श्री गणेश व श्री भैरवया रथयात येँयाः थःने लागाय् लाःगु त्यंगः, थाय्मरु, असं लागाय् चाःहीके हइगु खः । म्हीग येँ देय्या थःने लागाय् रथ चाःहीकूगु खः ।

थ्वहे झ्वलय् चन्द्रागिरि नगरपालिका वडा नं. १ य् लाःगु यंकि दहलय् मेला जुल । इन्द्रदह नं धाइगु उगु कुण्डय् दँय्दसं यँयाः पुन्हि कुन्हु मेला जुइगु खः । अन धर्मावलम्बीत छन्हु न्ह्यवंनिसें हे वयाः जाग्राम च्वनीगु नं चलन दु । थ्वहे दँय् मदुम्ह थःथितिया लुमंतिइ वया थःथितिपिंसं अन म्वः ल्हुइगु चलन दु ।

उकथं हे ख्वपय् नं सिद्ध पुखुली म्हिगः मेला जूगु खः । ख्वपया नांजाःगु सिद्ध पुखूयात इन्द्र दह नं धायेगु याः । इन्द्रद्यःया जात्रा यानाः चाःहीकालि उगु पुखुली ब्वये हइगु चलन दु ।