नकली भिन्चा दयेकाः जलस्येँ प्रत्यारोपण याःपिंत ज्वन

येँ (नेपालभाषा टाइम्स) – चितवनया कलेज अफ मेडिकल साइन्सेस (पुलांगु मेडिकल कलेज) भरतपुरं प्यम्ह चिकित्सकतय्त ज्वंगु दु। अवैध रुपं जलस्यँ प्रत्यारोपण याःगु द्वपनय् प्रहरीं प्यम्ह चिकित्सक व जिल्ला प्रशासन ज्याकू चितवनया कर्मचारीयात ज्वंगु खः ।

ज्वंपिं अस्पतालया जलस्यँ ल्वय् विभागया प्रमुख प्रा.डा. राकेश बर्मा, प्रा.डा. बालकृष्ण कालाखेती, डा. किरण अधिकारी व डा. सुप्रभात श्रेष्ठ खः । डा. श्रेष्ठ कलेजया सीईओ व मेडिकल काउन्सिलया दुजः नं खः ।

उकथं हे प्रहरींजिल्ला प्रशासन ज्याकू चितवनया शाखा अधिकृत रामचन्द्र ढकाल व अधिवक्ता रमेश काफ्लेयात नं ज्वंगु दु। उगु कलेजय् दछि न्ह्यः छम्ह मनूयात भिन्चा लाःम्ह धासें नकली नाता दयेकाः वयागु जलस्यँ लिकयाः मेम्हेसित प्रत्यारोपण याःगु खः । अनुसन्धानया झ्वलय् नकली भ्वं दयेकूगु खँ पुष्टि जुइवं प्रहरीं उकी ल्हाः दुपिं फुकसितं ज्वंगु खः ।

सम्बन्धित बुखँ

LEAVE YOUR COMMENTS