ने. सं. ११४६ अनलाथ्व नवमी -

येँय् ‘गाँजावादी’ प्रदर्शन

येँ- देशय् गजि (गाँजा) यात वैध यायेमाः धइगु माग यासें आन्दोलन याना वयाच्वंपिं ‘गाँजावादी’तय्सं म्हिगः फिब्व ख्यलय् प्रदर्शन यात । उमिसं ‘देश गजि त्वनीपिंसं मखु मत्वनीपिंसं स्यंकूगु खः’ धइगु प्लेकार्ड ब्वयाः प्रदर्शन याःगु खः । लिसें छुं ई न्ह्यः तिनि गजियात वैधानिकता बीमाः धइगु माग याःगु व गजि ज्वना जूगु धइगु द्वपनय् ज्वनाः कुनातःम्ह राजीव काफ्लेया त्वःतेमाःगु माग नं याःगु खः ।

काफ्लें थःत ८५ ग्राम गजि तयातःगु द्वपनय् वयात प्रहरीं ज्वना तःगु खः । लिसें काफ्लें वंगु छुं ई न्ह्यवंनिसें राष्ट्रिय अन्तर्राष्ट्रिय दबुली समेत गजियात वैधानिकता बीमाः धइगु माग यासें लबिङ याना वयाच्वंगु दु । लुमंकेबहः जू, गजियात वैधानिकता बीमाः धइगु थ्व अभियानय् येँया पुलांम्ह मेयर केशव स्थापित नं दुथ्याः ।