पद्मरत्न स्मृति प्रतिष्ठान स्वन

्येँ (नेपालभाषा टाइम्स)÷ वरिष्ठ मानव अधिकारवादी नेता लिसें नेवाः न्ह्यलुवा पद्मरत्न तुलाधरया नामं ‘पद्मरत्न स्मृति प्रतिष्ठान’ नीस्वंगु दु । शान्ति प्रक्रियाय् तुलाधरया सहकर्मी लिसें पुलांम्ह सभामुख दमननाथ ढुंगानाया अध्यक्षताय् नीस्वंगु उगु प्रतिष्ठान येँया सीडीओ ज्याकुथिइ नं दर्ता जूगु दु ।

प्रतिष्ठानया उपाध्यक्ष डा. चुन्दा वज्राचार्य, महासचिव परशुराम तामाङ, सचिव पासाङ शेर्पा, कोषाध्यक्ष सुम्निमा तुलाधर, दुजलय् राजेन्द्र श्रेष्ठ, सुरेश आले मगर, अमरेश नारायण झा, स्टेला तामाङ, गणेश विश्वकर्मा व आङदावा शेर्पा च्वनादीगु दु ।

प्रतिष्ठानया न्हापांगु बैठकं थ्वहे वइगु शनिवाः क्वःपुजा कुन्हु तुलाधरया न्याक्वःगु स्मृति दिवस न्यायेकेगु निर्णय याःगु दु । शंखधर उद्यान दुने च्वंगु तुलाधरया झ्वाताय् स्वां देछानाः उगु ज्याझ्वः याइ । लिसें प्रतिष्ठानं ‘पद्मरत्न लुमन्ति गुथि’ लिसे जानाः स्मृति दिवस लिसें मेमेगु नं थीथी ज्याझ्वः याना वनेगु निर्णय याःगु दु ।