कामपाया थीथी वडाय् च्वंपिनि र्‍यापिड टेस्ट

येँ – येँ महानगरपालिकाया गुंगू वडाय् शनिवाः र्‍यापिड डाइग्नोस्टिक टेस्ट (आरडीटी) परीक्षण याःगु दु ।

कामपाया फुक्कं वडाय् विदेशं वःपिं मनूतय् कोरोना परीक्षण यायेगु योजना कथं कामपां र्‍यापिड टेस्ट परीक्षण याःगु खः । शनिवाः बसन्तपुलि सुरु याःगु परीक्षणय् कामपाया वडा नं १८, १९, २०, २१, २२, २३, २४, २५ व २७य् च्वंपिनि परीक्षण याःगु खः । विदेशं वःपिं नापं अन स्थानीय जनप्रतिनिधि, प्रहरी, नगर प्रहरी लगायतया नं परीक्षण याःगु खःसा परीक्षण जूपिं फुक्कसिया रिपाेर्ट नेगेटिभ वःगु खः ।

परीक्षणया झ्वलय् येँ महानगरपालिकाया मेयर विद्या सुन्दर शाक्य, उपमयेर हरि प्रभा खड्गी लगायतया नं उपस्थिति दुगु खः । बसन्तपुलि परीक्षण याकेत वःपिनिगु निंतिं सामाजिक दुरु कायम यानाः च्वनेगु व्यवस्था नं कामपां याःगु खः ।

थ्वस्वयां न्ह्यः कामपां वडा नं ४, ५, , ९, १०, १५, ३९ व ३२य् नं विदेशं वःपिनिगु परीक्षण यायेधुंकूगु दु । मुक्कं ४०३म्ह मनूतय् परीक्षणया रिपोर्ट नेगेटिभ वःगु जानकारी कामपां बिउगु दु ।