बागमतिया सरकार विस्तार

येँ -बागमति प्रदेशया मुख्यमन्त्री अष्टलक्ष्मी शाक्यं मन्त्रिपरिषद विस्तार यानादीगु दु । थुकी वय्कलं खुम्ह मन्त्री व प्यम्ह राज्यमन्त्री थपे यानादीगु खः । म्हिगः विस्तार जूगु मन्त्रिपरिषदय् केशवराज पाण्डे भौतिक पूर्वाधार, रचना खड्का आर्थिक मामिला तथा योजना, विजय सुवेदी सामाजिक विकास, शान्तिप्रसाद पौडेल उद्योग, पर्यटन वन तथा वातावरण, प्रदीपकुमार कटुवाल क्षेत्री स्वास्थ्य, येँपाखें निर्वाचित डा. अजयक्रान्ति शाक्य आन्तरिक मामिला तथा योजना, चन्द्र लामा भूमि व्यवस्था तथा सहकारी मन्त्री नियुक्त जूगु खः ।

उकथं हे जीवन खड्का भौतिक पूर्वाधार विकास, जुनेली श्रेष्ठ सामाजिक विकास, बन्द्र मैनाली भूमि व्यवस्था कृषि तथा सहकारी सामाजिक विकास राज्यमन्त्री नियुक्त यानादीगु दु । म्हिगः वय्कःपिनि शपथ ग्रहण नं जुल ।