दाहालया आह्वान वैद्यपाखें अस्वीकार

येँ – एमाले व माओवादी दथुइ जुइत्यंगु पार्टी एकताय् सहभागी जू वा धकाः माओवादी केन्द्रया अध्यक्ष पुष्पकमल दाहालं यानादीगु आह्वानयात मेम्ह माओवादी नेता मोहन वैद्यं अस्वीकार यानादीगु दु । एमाले व माओवादी धइपिं वाम हे मखुगु जुयाः उमिसं याःगु आह्वानय् थःपिं सहभागी जुइगु ला सवाल हे मजुइगु खँ वैद्यं कनादीगु दु । अध्यक्ष दाहालं वैद्य लगायत नेत्रविक्रम चन्द (विप्लव) यात नं थ्व एकताय् सहभागी जू वा धकाः आह्वान यानादीगु खः । जनवादी शासन व्यवस्थायात वेवास्ता यानाः दाहालं जनतायात धोका बिउगु द्वपं नं वैद्यं बियादीगु दु ।