ने. सं. ११४६ दिल्लाथ्व सप्तमी -

थः यःगु पार्टीइ वनेत २२ गतेया म्याद

येँ – नेकपा एमाले परित्याग यानाः माधव नेपाल नेतृत्वया नेकपा (एकीकृत समाजवादी) पार्टीइ वने न्ह्याःपिं प्रदेश सभा सांसद व स्थानीय तहया जनप्रतिनिधितय्त थ्वहे वइगु भदौ २२ गते तक निर्वाचन कार्यालयपाखें सनाखत यायेमाःगु हद म्याद क्वःजिउगु दु ।

उकथं हे जनता समाजवादी पार्टी परित्याग यानाः महन्थ ठाकुरया नेतृत्वया लोकतान्त्रिक समाजवादी पार्टीइ वने न्ह्याःपिं प्रदेशसभा सांसद व स्थानीय जनप्रतिनिधितय्त नं २२ गते तकया दुने सनाखत यायेयायेत म्याद बिउगु दु । आयोगं २२ गते ५ बजे तक सनाखत यायेगु ई क्वःछिनातःगु दु ।

निर्वाचन आयोगया म्हिगः च्वंगु पदाधिकारीया बैठकं उगु निर्णय याःगु खः । थ्व स्वयां न्ह्यः सनाखतय् दुमथ्याःपिं संघीय संसदया सांसदतय्सं धाःसा आः दल हिले मदइगु जूगु दु ।