मध्यपन्थ नं अवसरवाद खः ः खनाल

येँ – भारतय् वासः याकाच्वंम्ह नेता झलनाथ खनालं भच्र्युअल माध्यमपाखे प्रस्तावित नेकपा एकीकृत समाजवादी पार्टीया केन्द्रीय कमिटी बैठकयात सम्बोधन यानादीगु दु । सम्बोधनया झ्वलय् नेकपा एमालेया अध्यक्ष केपी शर्मा ओली जक मखुसे माधव नेपाल पुचःयात त्वःताः एमाले हे लिहां वंपिं निगूगु तहया नेतापितिगु आलोचना यानादीगु दु ।

नेता खनालं स्थायी कमिटीया आपालं दुजःपिंत मध्यपन्थं अलमलय् जुयाच्वंगु धासें धयािदल, ‘मध्यपन्थ धाःगु नं अवसरवादया हे छगू रुप खः । थुकिया लिपांगु विश्लेषणं दक्षिणपन्थयात हे ग्वाहालि याइ व मध्यपन्थया आयु ताःहाकः जुइ मखु ।

’ स्थायी कमिटीया नेतापिं एमालेय् हे लिहां वंगु खँयात संकेत यासें खनालं केन्द्रय् खनेदुगु मध्यपन्थ थ्यं मथ्यं अन्त्य जुइधुंकूगु दु धासें धयादिल, ‘आः प्रदेशय् जुइमा वा जिल्लाय् जुइमा, मध्यपन्थया पुसा खने दइ ।’ उकियात फायेगु निंतिं दक्षिणपन्थी अवसरवाायात वैचारिक, राजनीतिक, संगठनात्मक व कार्यशैलीगत हमला यायेमाःगु खँ नं वय्कलं धासें धयादिल, ‘गुबलें गुबलें मिराकल जुइ, दछि मदयेवं छगू विशाल पार्टीं आकार कायेफु, तर उकिया नितिं सशक्त वैचारिक राजनीतिक प्रवाह सिर्जन यायेफयेकेमाः ।’

सम्बन्धित बुखँ

LEAVE YOUR COMMENTS