डा. केसीया जीवन रक्षाया माग यासें डाक्टरतय्गु प्रदर्शन

येँ – मेडिकल कलेज सम्बन्धी थीथी माग तयाः जुम्लाय् अनसन च्वनाच्वंम्ह डा. गोविन्द केसीया जीवन रक्षा यायेमाःगु माग यासें डाक्टरतय् छगू पुचलं येँया बसन्तपुली म्हिगः प्रदर्शन याःगु दु । त्रिवि शिक्षण अस्पतालया आवासीय चिकित्सकतय्सं डा. केसीया माग पूवंकेगु व जीवन रक्षाया माग यासें प्रदर्शन याःगु खः ।

डाक्टरतय्सं दुई तिहाइया दम्भ बन्द या, बहुमत बीपिं जनता फाइदा काइपिं माफिया, जनता स्याइपिं सरकार माःगु मदु धकाः नारा थ्वयेकूगु खः । सरकारं डा. केसी पुचःया दथुइ वार्ता याये न्ह्यः अनसन दिकाः येँय् वार्ता यायेमाः धयाच्वंगु दुसा डा. केसीया पुचलं सरकारं सदनय् हःगु स्वास्थ्य सम्बन्धी विधेयक न्हापां लित कायेमाः धकाः अडान कयाच्वंगु दु । ।