हि संकलन व वितरण सम्बन्धी प्रतिवेदन सार्वजनिक

येँ-  नेपाल रेडक्रस सोसाइटी (नेरेसो) रक्तसंचार सेवा केन्द्रपाखें दछिया दुने थ्यंमथ्यं निगूत्या लख युनिट हि संकलन याःगु दु । केन्द्रपाखें आर्थिक दँ ०७७÷७८ य् निगू लख पीनिद्वः व पीच्यागू युनिट हि संकलन यानागु जानकारी बिउगु खः ।

नेपालय् रक्तसंचार सेवाया प्रारम्भिक वार्षिक प्रतिवेदन सार्वजनिक यायेगु झ्वलय् उगु जानकारी बिउगु खः । लिसें संकलन जूगु हिया युनिटमध्ये स्वंगू लख स्वीछद्वः ४५६ युनिट हि व हिया तत्व ल्वगिततय्त उपलब्ध यानागु नं प्रतिवेदनय् धयातःगु दु ।

नेपाल रेडक्रस सोसाइटी केन्द्रीय रक्तसंचार सेवा केन्द्रय् केन्द्रया ५५ क्वःगु स्थापना दिवसया लसताय् ग्वसाः ग्वःगु ज्याझ्वलय् उगु जानकारी बिउगु खः । नेपालय् रेडक्रस स्थापना जूगु स्वदँ लिपा २०२३ साउन १२ गते रक्तसंचार सेवा केन्द्र संचालनय् वःगु खः । केन्द्र संचालनय् वःगु इलय् दछिया दुने १५७ युनिट जक हि संकलन जूगु खः ।

केन्द्रं बिउगु जानकारीकथं थ्व स्वयां न्ह्यःया दँय् निगू लख स्वीच्याद्वः व ८३६ युनिट हि संकलन जूगुलिइ स्वंगू लख नीछद्वः ७७६ युनिट हि व हिया तत्व वितरण याःगु खः ।

रेडक्रसया महामन्त्री पिताम्बर अर्यालं स्वयमसेवी हिदाता व हिदान ज्याझ्वः ग्वसाः ग्वःगु संघ संस्थायात सुभाय् केन्द्रयात दीर्घकालीन विकासया निंतिं सकलनाप सहकार्य याना वनेगु जुइ धयादिल ।

ज्याझ्लवय् रेडक्रसया कार्यकारी निर्देशक उमेशप्रसाद ढकाल, निर्देशक दिव्यराज पौडेलं नं नुगःखँ तयादीगु खः।

सम्बन्धित बुखँ

LEAVE YOUR COMMENTS