आः चोभरय् न्हिंन्हिं धर्ना

येँ – चोभाः संरक्षण समितिं म्हिगः छगू भेला यात । भेलां मखुगु मुद्दा तयाः स्वन्हु न्ह्यवंनिसें कुनातःम्ह चोभाः संरक्षण समितिया दुजः विष्णु फुयाँल शर्मायात तत्काल त्वःतेमाःगु माग याःगु दु । लिसें चोभारय् सुख्खा बन्दरगाहा अनुपयुक्त धासें थःपिनिगु मागया बारे राष्ट्रियस्तरय् अन्तक्रिया यायेगु नं क्वःछिउगु दु ।

अथेहे भेलां चोभारय् सुख्खा बन्दरगाह अनुपयुक्त जूगु व थःपिनिगु मागया सम्बन्धय् चोभाःया वासिन्दाया हस्ताक्षर संकलन यानाः प्रधानमन्त्री कार्यालय लगायत सम्बन्धित निकाययात स्मरण पौ बीगु निर्णय याःगु दु । उकथं हे थःपिनिगु आन्दोलन बार पत्रकार सम्मलेन यानाः जानकारी याकेगु निर्णय नं याःगु दु । लिसें हिमाल सिमेन्ट कारखाना न्ह्यःन न्हियान्हिथं धर्ना बीगु कार्यक्रम नं दयेकूगु दु ।