बंगला विमान दुर्घटनाय् लाःम्ह मेम्ह छम्ह मंत

येँ – नेपालय् जूगु यूएस–बांगला विमान दुर्घटनाय् लानाः घाःपाः जूम्ह छम्ह बंगलादेशी यात्री सीगु दु । दुर्घटनाय् लाःसां बचे जूम्ह यात्री शाहीन बेपारीयात नेपालं यंकाः बंगलादेशया अस्पतालय् भर्ना याःगु खः । तर अन वासः याकुयाकुं म्हिगः सनिलय् मदुगु खँ धाःगु दु । ३३ दँ दुम्ह यात्री बेपारीया म्ह दुर्घटनाय् लानाः ३५ प्रतिशत च्याःगु खः ।