कासामितय्त बियावयाच्वंगु आर्थिक सुविधायात निरन्तरता बिइत उपराष्ट्रपतिपाखें सरकारया ध्यानाकर्षण

येँ- ओलम्पिक डे २०२१या झ्वलय् नेपाल ओलम्पिक कमिटीं याःगु छगू ज्याझ्वलय् उपराष्ट्रपति नन्दबहादुर पुनं नेपाली कासामितय्त लय्लय््पतिकं बियावयाच्वंगु आर्थिक सुविधायात निरन्तरता बिइतं सरकारया ध्यानाकर्षण यानादीगु दु । उपराष्ट्रपति पुनं कासामितय्सं लय्लय्पतिक बियावयाच्वंगु आर्थिक सुविधा मबिउगु धकाः धयावयाच्वंगुलिं आर्थिक सुविधायात निरन्तरता बिइत सरकारया ध्यानाकर्षण यानादीगु खः ।

उपराष्ट्रपति पुनं फुटबल व क्रिकेटबाहेक मेमेगु कासाया नियमित प्रशिक्षण मजुयाच्वंगुलिं दक्व राष्ट्रिय कासाया नियमित प्रशिक्षणया पूर्वाधार विकास यायेत नं ध्यानाकर्षण यानादीगु खः ।

उपराष्ट्रपति पुनं ओलम्पिक कासाया विकासया निंतिं दीर्घकालीन योजना दयेकाः ओलम्पिक सहभागिताय् लगानी यायेमाःगु नं धयादीगु दु । कासामित ग्वःक्वःगु ओलम्पिकय् समुह चरण पार याइ व गबलय् तकया दुने पदक त्याकी धयागु आज्जु तयाः सरकार, ओलम्पिक कमिटी व सम्बद्ध पक्षं दीर्घकालीन योजना दयेकाः लगानी यायेमाःगु नं वय्कलं धयादिल ।

ज्याझ्वलय् नेपाल ओलम्पिक कमिटीया अध्यक्ष जीवनराम श्रेष्ठं ओलम्पिक अभियानं विश्वयात कासाय् समावेश यानाच्वंगु व कासां शारीरिक व मानसिक रुपं बल्लाकाच्वंगु धयादीगु खः ।

नेपालभाषा टाइम्स

च्वमिया मेमेगु

• झीगु सःया निसःब्व थ्यन, निम्ह संचारकःमि सम्मानित
• बालेनया जय जयकार सुनियोजित धइगु पुष्टि
• यँयाःयात झःझः धायेकीम्ह पुलुकिसि
• कन्हय् महाकविया किपा बग्गीइ तयाः चाःहीकीगु
• राजदूतया खँय् नेकां–एमाले ल्वापु