ने. सं. ११४६ बछलाथ्व चौथी - बुंगद्यः सालिगु

खुसिबाः व चलखं आःतक झिंन्याम्हेसिया ज्यान वन

येँ – थुगुसी थीथी थासय् वःगु खुसिबाः व चलखं लानाः आःतकया दुने झिंन्याम्हेसिया ज्यान वनेधुंकूगु दु । वंगु जेठ ३० गते निसें म्हिगः शुक्रवाः तकया दुने सिन्धुपाल्चोकय् स्वम्ह, डोटीइ स्वम्ह, सप्तरीइ छम्ह, काभ्रेय् छम्ह, गोरखाय् छम्ह, जुम्लाय् छम्ह, अर्घाखाँचीइ छम्ह, पाल्पाय् छम्ह, कास्कीइ छम्ह, कालिकोटय् छम्ह व बाजुराय् छम्हेसिया ज्यान वंगु खँ प्रहरीं धाःगु दु । प्रहरीया कथं सीपिं मध्ये गुम्ह मिजंत, स्वम्ह मिस्त, निम्ह मिजंमस्त व छम्ह मिसा मचा लाःगु दु ।
अथेहे खुसिबाः व चलखं यानाः मेपिं झिंखुम्ह घाःपाः जूगु व २५ म्ह बेपत्तँ जुयाच्वंगु खँ नं प्रहरीं धाःगु दु ।

खुसिबाः व चलखं यानाः देय्न्यंकं यानाः सछि व ९९ खा छेँ डुबानय् लाःगु दुसा सछि व ३६ खा छेँ, झिंछगू गोठ, झिंनिपु ताँ, छगू स्कूल व न्हय्गू सरकारी ज्याकुथिइ क्षति जूगु दु । अथेहे आःतकया दुने न्यासः व २८ खा छेँया १ हजार ७६० म्ह विस्थापित जूगु व ५१६ म्ह पशु सीगु खँ नं प्रहरीं धाःगु दु ।