पन्तिइ नेवाःतय्त जक छेँ मी दइगु
येँ – काभ्रेया पन्ति नगरपालिका वडा नम्बर ७ स्थित पुलांगु बजाःया स्मारक क्षेत्र दुनेया छेँत नेवाः समुदाय बाहेक मेपिंत मी मबीगु जूगु दु ।
मंगलवाः च्वंगु वडा समितिया मुँज्यां नेवाः जाति बाहेक मेपिंत छेँ न्याये–मी यायेगु सिफारिस कायेत वःसा सेवा प्रवाह मयायेगु निर्णय याःगु खः । वडा अध्यक्ष रामचन्द्र नास्नानीं छगू सार्वजनिक सूचं जारी यानादिसें उगु बस्ति नेवाः जातिया बाहुल्यता दुगुलिं धर्म संस्कृति व पुरातात्विक सम्पदा ल्यंकेगु निंतिं अज्याःगु निर्णय यायेमाःगु खँ धयादीगु दु । वडाया भद्रभलादमीतय्सं तःक्व हे अज्याःगु इनाप यायेधुंकूगुलिं वय्कःपिनि इनाप कथं थुगु निर्णय यानागु खँ वडां धाःगु दु ।
पन्ति बजाः नेवाःतय् पुलांगु वस्ति मध्येया छगू खः ।
LEAVE YOUR COMMENTS