नेटों थःपिनिगु सैन्य विकासयात बदनाम याःगु चीनया द्वपं
एजेन्सी÷ चीनं थःपिनिगु सैन्य क्षमताया शान्तिपूर्ण विकासयात नेटों बदनाम याःगु द्वपं बिउगु दु । ब्रसेल्सय् जूगु सम्मेलनय् नेटोया नेतातय्सं चीनया सैन्य क्षमता विस्तार चुनौतीपूर्ण जूगु धकाः ख्याच्वः बिउगु खः । नेटों चीनं थःपिनिगु परमाणु क्षमता विस्तार यानाच्वंगु, सैन्य आधुनिकीकरणया अपारदर्शी ल्याखं यानाच्वंगु व थुकिया निंतिं रुसलिसे सहकार्य यानाच्वंगु धाःगु खः ।
नेटोया प्रमुखं जेन्स स्टोल्टेनबर्गं चीन नेटोया बराबरीइ वयाच्वंगु धकाः नं ख्याच्वः बिउगु खः । थ्व झ्वलय् स्टोल्टेनबर्गं चीनलिसे शीतयुद्ध याये चाहे मजूगु नं धाःगु खः ।
नेटो ३० गू युरोपेली व उत्तर अमेरिकी देय्या राजनीतिक व सैन्य पुचः खः । कम्युनिष्ट शासनया बिस्तार पनेत नेटोया पलिस्था जूगु खः । नेटोयात अमेरिकाया नं समर्थन दु ।
LEAVE YOUR COMMENTS