एमालेया माधव पुचलं स्पष्टीकरण मबीगु

येँ – नेकपा (एमाले) या नेपाल पुचलं पार्टीपाखें थःपिंके न्यंगु स्पष्टीकरणया लिसः मबीगु जूगु दु । एमाले विवाद समाधान यायेत नीस्वंगु कार्यदलय् दुथ्याःम्ह नेपाल पक्षया नेता भीम रावलं उगु खँ धयादीगु खः ।

वय्कलं सञ्चारकर्मीलिसे अन्तक्र्रिया यासें आः ओली एमालेया वैधानिक अध्यक्ष मखुगुलिं वय्कःयात स्पष्टीकरण बीमाःगु आवश्यकता मदुगु खँ धयादीगु खः । वय्कलं धयादिल, ‘केपी एमालेया मखु महाधिवेशन आयोजक कमिटीया अध्यक्ष खः, अथे जुयाः स्पष्टीकरण बीमाःगु आवश्यकता मदु ।’

एमाले अध्यक्ष केपी ओली पुचःया शनिवाः च्वंगु स्थायी कमिटीया बैठकं वरिष्ठ नेता नेपाल सहित झिंछम्हेसिके स्पष्टीकरण न्यनेगु निर्णय याःगु खः ।

उकथं हे नेता रावलं पार्टी दुने विवाद ज्यंकेत नीस्वंगु वार्ता पुचःया औचित्य मदुगु खँ नं धयादीगु दु । वय्कलं आः थःपिनिगु पुचलं प्रम ओलीं वार्ता यायेत छ्वयाहःपिं दूततलिसे खँ ल्हायेगु औचित्य मदु धासें आः तत्काल न्हूगु पार्टी दयेकेगु निर्णयय् धाःसा धाःसां थःपिं मथ्यंनिगु खँ नं धयादीगु दु ।

माधव पुचःया छुं सांसदत लिपांगु इलय् हानं ओली पक्षय् हे लिहां वंगु कारणं माधव पुचःयात तःधंगु धक्का लाःवंगु दु । अथे खःसां माधव–झलनाथ पुचलं आः ओली विरोधी खेमाय् च्वनाः संघर्ष तच्वयेका वनेगु नीति काःगु दु । सूत्रतय्सं धाः कथं कन्हय् छुं जुयाः चुनावय् हे वनेमाःगु अवस्था वल धाःसां नं माधव पुचःया सांसदतय्त त्याकेत विपक्षी पार्टीतय्सं ग्वाहालि यायेगु तकया सहलह ब्यानाच्वंगु दु । उकिं आः माधव पुचः ओलीया न्ह्यःने छुं हे कथं झुके मजुइगु लाइनय् वनाच्वंगु खँ नं सूत्रं धाःगु दु ।

सम्बन्धित बुखँ

LEAVE YOUR COMMENTS