‘तिबः’या टिजर पिदन

यल (नेपालभाषा टाइम्स)÷ नेपालभाषाया संकिपा ‘तिबः’ टिजर व उगु हे संकिपाया हे छपू म्येँया प्रिमियर वंगु बुधवाः सानेपास्थित हेरिटेज गार्डेनय् छगू ज्याझ्वःया दथुइ जुल ।

पन्नाकाजी रंजित व कमला रंजित (तिबः संकिपा निर्माता सर्जु रंजितया मां व अबु) या निम्हेसिया सभापतित्वय न्ह्याःगु उगु ज्याझ्वलय् संकिपाया वरिष्ठ कलाकारपिं सुशिल राजोपाध्यय, आशाकाजी थकु संघरत्न शाक्य लगायत आपालं कलाकार एवं प्राविधिक पिंत खादां न्ययेका सम्मान यायेगु ज्या जूगुु खः ।

संकिपाया टिजर लिपा हे मनांगया सोलुखुम्बुइ ४००० मि हाइटं च्वय् सुटिंग जूगु मनोज महर्जन व सृष्टि महर्जनया अभिनय दुगु म्येँ ‘मन छंके दुने सुला च्वन’ या पितब्वज्या जूगु खःसा ज्याझ्वलय् संकिपा बारे संकिपाया निर्देशक रवि साय्मिं बःचाधंगु जानकारी बियादीगु खः ।

ज्याझ्वलय् संकिपा समिक्षक विजय रत्न असंबरे, अमर चित्रकार, संकिपाया निर्माता सर्जु रंजितलगायपिंसं संकिपायात कयाः थःथःगु नुगः खँतयादीगु खः ।