नेपाःयात थ्री नेसन्स कप उपाधी

येँ – येँया दशरथ रंगशालाय् जूगु थ्री नेसन्स कपया उपाधी नेपालं त्याकूगु दु । सोमवाः जूगु फाइनल कासाय् बंगलादेशयात २–१ गोलं बुकुसें नेपालं उपाधी त्याकूगु खः । उपाधीलिसें नेपाःयात ५ हजार डलर दां सिरपाः नं लाःगु दु ।

नेपाः, बंगलादेश व कीर्गिस्तानया ओलम्पिक टोली सहभागी थ्व धेंधेंबल्लाखय् नेपाः बंगलादेश व कीर्गिस्तानलिसे गोलरहित बराबरी कासा म्हिताः फाइनलय् थ्यंगु खः । लगातार च्यागू कासाय् तक गोल याये मफयाच्वंगु नेपालं थ्री नेसन्सया फाइनल कासाया न्हापांगु हाफय् हे निगू गोल याःगु खः । नेपाःया निंतिं सन्जोग राई व विशाल राई छगू छगू गोल याःगु खः ।

थ्व विजय लिसें नेपाःया राष्ट्रिय टिमया कप्तान विराज महर्जनया संन्यास नं सुखद् जूगु दु । महर्जनं थ्व हे धेंधेंबल्लाःयालिसें राष्ट्रिय टिमं संन्यास काःगु खः ।