नेपाल–दाहाल नापलानाः सहलह

येँ – नेकपा भंग लिपा हानं एमाले तुं जूवंम्ह नेता माधव नेपाल व माओवादी केन्द्रया अध्यक्ष पुष्प कमल दाहाल दथुइ म्हिगः नापलानाः खँल्हाबल्हा जुल । नेकपा भंग जुयाः अलग अलग जुइधुंकाः वय्कःपिनि दथुइ जूगु थ्व न्हापांगु खुल्ला नापलायेगु ज्या खः ।

म्हिगः वय्कःपिनि दथुइ सर्वोच्च अदालतं नेकपा भंग जुयाः हानं पुलांगु हे माओवादी केन्द्र व एमाले म्वाकेगु जुइ धकाः याःगु फैसला विरुद्ध पुनरावलोकनय् वनेगु बारे सहलह ब्याकूगु खः । सर्वोच्चया उगु फैसलां यानाः नेकपा (एमाले) हानं जीवित जुयाः अन पार्टी अध्यक्ष लिसें प्रधानमन्त्री केपी ओली हानं बहुमतय् वःगु जुयाः माधव नेपाल पुचःयात मछिंगु अवस्था ब्वलंगु खः । उकिं उगु अवस्था मदयेकेगु लागिं नं सर्वोच्चया फैसला विरुद्ध पुनरावलोकन यायेमाःगु बारे बिचाः ब्याकूगु खः ।

नेपाल व दाहाल दथुइ पुनरावलोकनय् वनेगु बारे सहलह जूसां ओली पुचलं धाःसा थुकी पुनरावलोकन यायेमाःगु आवश्यकता मदु धयाच्वंगु दु । थुकी यदि ओली पुनरावलोकनय् मवन धाःसा छगू जक पक्ष पुनरावलोकनय् वने मफइगु खँ नं धयाहःगु दु । उकिं ओली मनव धाःसा दाहाल याकःचां पुनरावलोकन याये फइ मखु धइगु छगू पक्षया विचाः दु । सर्वोच्चया उगु फैसलां ओली हानं बल्लाःगु खः ।

सम्बन्धित बुखँ

LEAVE YOUR COMMENTS