निगू जनजाति संस्थां जनजाति दिवस हनीगु

येँ – थुगुसी आदिवासी जनजाति दिवसया लसताय् पहिचान पक्षधर राजनीतिक पार्टीतय्गु गठबन्धन पहिचानमा आधारित संघीय गठबन्धन व नेपाल आदिवासी जनजाति महासंघया मंकाः ग्वसालय् आदिवासी सम्बन्धी राष्ट्रिय गोष्ठी याइगु जूगु दु ।

नेपाः राष्ट्रिय पार्टीया ज्याकुथी नकतिनि च्वंगु छगू मुँज्यां जनजाति महांघया उपाध्यक्ष नापं प्रवक्ता नविन मगरं आदिवासी जनजातिया हक हितय् ज्या यानाच्वंगु थ्व निगू संस्था नाप जानाः वनेमाःगु खँ कनादीगु खः । नेपाः पार्टीया नायः डा. विजय प्रकाश सैंजुं आदिवासी जनजाति महासंघ व पहिचानमा आधारित संघीय गठबन्धन नापं जानाः ज्याझ्वः याये माःगु प्रस्ताव तयादीगु खः ।

मुँज्यां थ्वहे श्रावण १९ व २० गते राष्ट्रिय गोष्ठी यायेगु निर्णय याःगु दु । मुँज्याय् खम्बुवान राष्ट्रिय मार्चा, जनमुक्ति पार्टी, खसान संघर्ष समिति, आदिवासी जनजाति पार्टी, संघीय लोकतान्त्रिक राष्ट्रिय मंच लिम्वुवान,, सामाजिक लोकतान्त्रिक पार्टी, थरुहट पार्टी, तामांग सालिन लोकतान्त्रिक पार्टीया नेतातय्सं ब्वति कयादीगु खः ।

नेपाः पार्टीया नायः डा. सैंजुं कनादी कथं संविधानय् आदिवासी जनजातिया अधिकार सुरक्षित यायेगु लागिं नं मेमेगु अधिकारवादी संस्थाया नापनापं थ्व निगू संस्था जानाः मंकाः संघर्ष न्ह्याकेगु खँय् नं सहलह जूगु दु ।

नेपालभाषा टाइम्स

च्वमिया मेमेगु

• ‘येँदेय् म्हसीके’ छपुलु
• मोहनि नखः
• संचार माध्यमया अनुगमनय् सेना व प्रहरी दुथ्याकूगुलिं विराेध
• येँ महानगरपालिकां थायमदुया त्वाः छेँ थुनाबिल
• बौद्ध संस्कृतिइ नःलास्वां !