जैसिदेगल युथ क्लबया ताइक्वान्डो प्रशिक्षण हल उलेज्या

येँ – न्ह्याबलें नं त्वाःया हितया निंतिं सकरात्मक पलाः न्ह्याका वयाच्वंगु खँयात प्रशंसायासे त्वाःया मस्तय्त थःगु हे त्वालय् अःपुक याउँक खेलकुदया प्रशिक्षण काये दइगु थाय्या व्यवस्था याःगुलिं मस्तय्त थज्याःगु प्रशिक्षण स्वास्थप्रति चेतना जायेकिगु जक मखसें अनुशाशित तकं याइगु धाःसें थज्याःगु बांलागु ज्यायाःगुलिं जैशीदेगः युथ क्लबयात सुभाय् देछाया बियादिल येँ महानगरपालिकाया मेयर विद्यासुन्दर शाक्यं ।

जैशीदेवल युथ क्लबया नवनिर्माण हलया उद्घाटनया लिसें जैशीदेगःत्वाःया सुरक्षायात ध्यानय् तयाः वंगु शनिवाः सीसी क्यामराया उलेज्या यायेगु झ्वलय् वय्कलं धयादिल – समाजय् अप्वयाच्वंगु असामाजिक गतिविधिं त्वालय् शान्ति सुरक्षाय् तनाव बी, सीसी क्यामरा तयेगु ज्यां अज्याःगु बांमलाःगु गतिविधियात सुनां यात धकाः जक स्वयेत वा सप्रमाण मालेत जक मखु बरु अज्याःगु ज्यायात हतोत्साहित यायेत तिबः बिइगु ज्या याइगु बिचाः प्वंकादिल । वय्कलं सीसी क्यामरां बांमलाःगु गतिबिधिया रेर्कड तयेगु ज्यायात जक मखुसें प्रत्येक नागरिकयात सचेत जुइत इंगित याइगु धारणा प्वंकादिल ।

थज्याःगु असमाजिक गतिविधि याये न्ह्यः हे न्यूनीकरण यायेगु ज्याय् प्रोत्साहन बीकथं मू मू थासय् सीसी क्यामरा तयेगु अभियानकथं हे न्ह्याकागु व लगभग ५ गू करोड बजेट सीसी क्यामराया नितिं फ्यानागु खँ कनादिल । थुकिया निंतिं प्रहरी पुचःनाप सर्शत छगू सम्झौताकथं फोहर व्यवस्थापन, सतकपीडित वा अन्य असामाजिक गतिविधिया सूचं नगरपालिकायात नं बीमाःगु बुँदा तकं उल्लेख यानातयागु खँ कनादिल ।

जैशीदेवल युथ क्लबया अध्यक्ष राजेश प्रजापतिया सभापतित्वय् न्ह्याःगु ज्याझ्वलय् क्लबया महासचिव चन्द्रगोपाल प्रधानं लसकुस यासे धयादिल– क्लबं प्रारम्भकालनिसें समाजयात माःकथंया ज्याय् ग्वाहालि यानावयाच्वनागु व आबद्ध व्यक्तित्वःपिं व बुद्धिजीविपिंसं मस्तय् नितिं तेक्वान्दो प्रशिक्षण थाय्या अभाव जुयाच्वंगुलिं क्लबया दकलय् च्वय् हल दयेकेत छतँ तनागु व उकियानितिं २१ वडाया वडाअध्यक्षयात इनाप यानागु खँ जानकारी बियादिल । नापं समाजय् शान्ति सुरक्षाया दृष्टिकोणयात ध्यानय् तयाः सीसी क्यामरा तकं जडान यायेगुलिइ पहल यानागु व थुगु ज्या सकसिगु मंकाः कुतलं पूवंगुलिं सकसितं सुभाय् देछायादिल ।

अथेहे २१ वडाया नायः उदय चुडामणि वज्राचार्यं त्वाःबहाःया संरक्षण व संबद्र्धन यायेत जक मखु बांलाःगु ज्याया छुं नं योजना न्ह्यःने हल धाःसा वडा नायःया हैसियतं सदां वडा ज्याकू तयार जुइगु प्रतिबद्धता प्वंकादिल ।
ज्याझ्वलय् क्लबया नायःलिसें ज्याझ्वःया सभापति राजेश प्रजापतिजुं सुभाय् देछानादीगु खः ।

सम्बन्धित बुखँ

LEAVE YOUR COMMENTS