अमेरिकाया मासाच्युट्सय् नेपालभाषा कक्षा

येँ – नेवाः अर्गनाइजेशन अफ न्यू इंग्ल्यान्ड युएसएया ग्वसालय् अमेरिकाया मासाच्युट्स राज्यय् च्वनाच्वंपिं नेवाः भाय् मसःपिं नेवाःतय्त नेपालभाषा स्यनेगु ज्या न्ह्याःगु दु । संस्थाया नायः समान्त श्री वज्राचार्यं त्वाःदेवाय् मत च्याकाः स्वस्ति वाचन यासें भाय् स्यनेगु ज्याझ्वः न्ह्याकादीगु खः ।

वाःपतिकं शनिवाःकुन्हु न्ह्याइगु थुगु नेपालभाषा स्यनेगु ज्याया भाला शिकागोय् च्वंच्वनादीम्ह हलिं नेवाः दबू अमेरिका कचाया नेपालभाषा व साहित्य डिभिजनया डाइरेक्टर व बाखंच्वमि केशरमान ताम्राकारं कयादीगु दु ।