कागति ख्वलाया फाइदा
कागतिया रसयागु फाइदाया बारे ला झी मध्ये आपाःसिनं सि हे सिउ । अथे जुयाः झीसं न्हियान्हिथं जीवनय् कागतियात विशेष रुपं छ्यलेगु याना वयाच्वनागु दु । तर कागतिया ख्वला छु यायेगु ले ? उकियात ला आपाःसिनं वांछ्वयेगु हे यानाच्वंगु दइ । छाय्कि उकिया गुण झीसं सियाच्वंगु मदु । उकिं झासँ, थौं झीसं कागतिया ख्वलाया गुणया बारे सिइके –
क्वँय् बल्लाकी
कागतिया ख्वलां झीगु क्वँय् बल्लाकेगु ज्या याइ । थुकी यक्व मात्राय् क्याल्सियम व भिटामिन सी दइ, गुकिं क्वँय्यात स्वस्थ यानातयेगु ज्या याइ । थुलि बाहेक क्वँय्लिसे स्वापू दुगु अस्टियोपोरोसिस, ¥ह्यूमेटाइड आर्थराइटिस व इन्फ्लेमेटरी पोली आर्थराइटिस आदि थीथी ल्वय्पाखें बचे याइ ।
अक्सिडेटिभ स्ट्रेस मदयेकी
अक्सिडेटिभ स्ट्रेसपाखें मुक्त जुइत कागतिया ख्वलां यक्व हे ग्वाहालि याः । कागतिया ख्वलाय् प्रशस्त मात्राय् फ्लेवोनाइड दइ, गुकिं आक्सिडेटिभ स्ट्रेसयात शरीरं पितछ्वयेत ग्वाहालि याइ ।
टक्सिन मदयेकी
झीगु म्हय् तःताकथंया विषालु पदार्थ अर्थात टक्सिन दयाच्वनी । थज्याःगु पदार्थं झीगु म्हयात दुनेंनिसें हे कमजोर यानाबीगु जक मखु, थुकिया लिसेलिसें झीके दुनेंनिसें हे अल्कोहल व मेमेगु झीगु म्हयात हानि याइगु चीज नयेगु लालसा अप्वयेकाबी । कागतिया ख्वलां थःगु पाउँगु सवाः व स्वभावं यानाः थज्याःगु विषालु पदार्थ मदयेका छ्वयेत ग्वाहालि याइ ।
क्यान्सरलिसे ल्वाइ
थ्व बारे तसकं कम मनुखं जक सिउ । तर कागतिया ख्वलां क्यान्सर मजुइकेत व जुइधुंकूपिंत नं लायेकेत ग्वाहालि याइ । थुकी दुगु थीथी तत्वं क्यान्सरया कोषलिसे ल्वायेत ग्वाहालि याइगु खः ।
कोलेस्ट्रोल कम याइ
थुकिं कोलेस्ट्रोलया स्तर कम यायेत नं ग्वाहालि याइ । झीगु म्हय् कोलेस्ट्रोलया मात्रा तसकं अप्वः जुलकि नुगःस्येँयात उकिं नोक्सान याइ । कागतिया ख्वलाय् दुगु पोलीफिनोलं कोलेस्ट्रोलयात कम यानाः झीगु म्हयात स्वस्थ यायेत ग्वाहालि यानाच्वनी ।
नुगःस्येँयात स्वस्थ यानातइ
कागतिया ख्वालय् दुगु पोटासियमं रक्तचापयात नियन्त्रणय् तयातयेत ग्वाहालि याइ । थथे जुइबलय् झीत हर्ट अटाय्क काचाक जुइमखु । लिसें डाइबिटिज नं नियन्त्रणय् दयाच्वनी ।
म्हुतुया स्वास्थ्य बांलानाच्वनी
म्हुतुया स्वास्थ्य बांलाकातयेत कागतिया ख्वलां यक्व हे ग्वाहालि याइ । भिटामिन सी मगातकि वा बमलानावनीगु, गिजां हि वइगु आदि समस्या जुयावइ । भिटामिन सी मगातकि स्कर्भी व जिंजिविटिस जुयाबी । भिटामिन सी मगानाः जूगु नोक्सानया क्षतिपूर्ति बीत ग्वाहालि याइ । थ्व वा व गिजालिसे स्वापू दुगु मेमेगु ल्वय् नं थुकिं तापाकातइ ।
तौल क्वकाइ
कागतिया ख्वलां म्हया तौल क्वकायेत नं ग्वाहालि याइ । थुकी पेक्टिन नांगु तत्व दइ, गुकिं म्हय् मुनाच्वंगु अप्वःगु दाःयात चिइकाछ्वइ । उकिं तसकं ल्ह्वनाः समस्या जुयाच्वंपिंसं कागतिया ख्वला सेवन याःसा यक्व हे बांलाइ ।
लाउं बांलाइ
ला हय्हय्कुंगु, एक्ने, पिग्मेंटेशन व ह्याकिं वंक लाःगु दाग वंकेत कागतिया ख्वला ति ज्या वःगु चीज मेगु दइमखु । थुकी दुगु फ्री–रेडिकल्स थुगु प्रक्रियाय् तसकं महत्वपूर्ण भूमिका म्हिती । थुकिया लिसें थुकी एन्टि अक्सिडेन्टसं छ्यंगूयात डिटक्सिफाइ यानाबी, गुकिं झीगु रुप ल्वःवनापुक बांलाकाबी ।
LEAVE YOUR COMMENTS