ने. सं. ११४४ कौलाथ्व पारू - नःलास्वनेगु

धौ छ्यलाः सौन्दर्य थकयादिसँ

धौ स्वास्थ्यया निंतिं जक मखु, म्हया सौन्दर्यया निंतिं नं तसकं ज्या वः । धलिइ दुगु थीथी पोषक तत्वयात म्हं याउँक पचय् याइ, थुलि बाहेक मेमेगु नसाज्वलं पच यायेत नं धलिं ग्वाहालि याइ । धलिइ चिल्लो, प्रोटिन, ल्याक्टिक एसिड, लः, क्याल्सियम, फस्फोरस, आइरन, भिटामिन ए, भिटामिन बी१, बी २, बी ५ व भिटामिन सी थेंज्याःगु आवश्यक खनिज तत्व दु । गुकिं म्हयात स्वस्थ जुइकाः बांलाका नं तइ । थुलिमछि पोषक तत्वं जाःगु धौयात यदि मेमेगु प्राकृतिक पदार्थलिसे पाय्छिकथं छ्यलेगु स्वत धाःसा निश्चित रुपं फाइदा जुइ । धौपाखें सौन्दर्य थकायेगु थीथी उपाय थन न्ह्यथनागु दु –

– ख्वालय् स्यःकै वयाच्वंगु दुसा पाउँगु धौया लेप ख्वालय् पानादिसँ । भतिचा लिपा गने धुंकाः ख्वाः सिलादिसँ । निन्हु स्वन्हुं हे स्यःकै मदयाः वनाः ख्वालय् चमक दयावइ । थुकी अझ बांलाःगु लिच्वः कायेगु खःसा कागतिया रस नं ल्वाकछ्याये फइ ।
– धौ छ्यंगूया निंतिं वरदान थें खः । धौ पानाः १५ मिनेट लिपा ख्वाउँलखं सिलादिसँ । थुकिं यानाः ख्वाः दुरु थें तुइसे च्वनी, अले चमक नं दइ ।
– चिकंकंगु छ्यंगू ९इष्थि क्पष्ल० दुसा धौ, बेसन व कस्ति ल्वाकछ्यानाः स्क्रब ९क्अचगद० दयेकाः ख्वालय् व गःपतय्् पानादिसँ । गने धुंकल कि ब्वब्वस्यानाः तुला कयादिसँ । वयां लिपा ख्वाः ख्वाउँलखं सिलादिसँ । थथे नियमित यानाच्वन धाःसा चिकंकंगु छ्यंगुलिं पिहां वइगु अप्वःगु चिकं मदयावनी ।
– गःपःया लिउनेया ब्व अप्वः थें हाकुसे च्वनी । थ्व हाकुगुयात मदयेकेत न्हिं न्हिं म्वःल्हुइगु इलय् पाउँगु धलिं मालिस यानादिसँ । छुं न्हिया दुने हे समस्या ज्यनावनी ।
– गर्मिबलय् छाःगु निभालं यानाः यदि छ्यंगू क्वल धाःसा आटाया चोकरय् धौ व हलू छप्तिचा तयाः क्वलं बुले थें बुलादिसँ । म्हुतुसिया जःखः, न्हाय् व मिखाय् अप्वः ध्यान बियादिसँ । २० मिनेट लिपा ख्वाउँलखं ख्वाः सिलादिसँ । थुकिं छ्यंगूयात यचुपिचु धायेकाबी ।
– बागू कप चोकर, प्यंगू चम्चा धौ, बागू चम्चा कस्ति ल्वाकछ्यानाः पेस्ट दयेकादिसँ । थुगु पेस्ट ख्वालय्, गःपतय् व ल्हातय् १५ मिनेट तक पाना तयादिसँ । थुकिं छ्यंगू नाइसे च्वनी, रंग नं यचुइ ।
– सुख्खा छ्यंगू व मत्यवं हे ला हय्हय्कुनीगु जुयावल धाःसा थथे मजुइकेत धौ, कस्ति व ख्येँया तुयुगु ब्व उति उति हे मात्राय् कयाः लखं ख्वाः सिलादिसँ । थ्वयां लिपा १० मिनेट तक अलःचिकनं ख्वालय् तीजक तीजक मालिस यानादिसँ । छवाःया निक्वः थथे यानादिसँ । निलाया दुने हे छ्यंगू नं सुख्खा मजुयावनी, ला हय्हय्कुंगु नं चकना वनी ।
– क्रिम दुगु धौ व बेसन ल्वाकछ्यानाः उकी हलू छप्तिचा नं तयाः ख्वालय् बुलाबिल धाःसा छ्यंगू सुख्खा मजुयावनी । ख्वाः क्यातुसे च्वनाः ख्वालय् चमक नं दयावइ । थथे यायेत हलू बरु थम्हं छेँय् हे हलूपालु निनातयागु दुसा बांलाइ ।
– निगू चम्चा पँचाय् छगू चम्चा धौ ल्वाकछ्यानाः पेष्ट दयेकादिसँ । अनंलि थुकियात ख्वालय् २० मिनेट तक पानाःलि ख्वाउँलखं ख्वाः सिलादिसँ । थथे न्हिं न्हिं यानादिसँ ।
– यदि छ्यंगूया रंग निभाःया कारणं पानावन धाःसा थुकिया निंतिं तछ्वचुं अथवा मुसूचुंया पाउँगु महिइ ल्वाकछ्यानाः लेप दयेकादिसँ । अनंलि थुकियात ख्वालय् गःपतय् व ल्हाः तुतिइ पानाः बाघौ लिपा सिलादिसँ । थुगु लेपया नियमित प्रयोगं छ्यंगूया रंग बांलानावइ ।
– रहर नचुक निनाः उकिया छगू चम्चा व धौ छगू चम्चा ल्वाकछ्यानाः ख्वालय् पानादिसँ । गनकि सिलादिसँ । थुकिं स्यःकै व चातः दक्व वनाः ख्वाः क्यातुसे च्वनावइ ।
– धौ भतिचाय् कागति छगःया रस ल्वाकछ्यानाः ख्वालय्, सँय् व म्हय् पानादिसँ । अनंलि घौछि लिपा म्वःल्हुयादिसँ । सँय् तुंचा वनी, सँ नं बांलाइ, लिसें ख्वाः नं यचुपिचु धायावइ ।
– धौ सँया निंतिं नं तसकं ज्या वः । छवाःया छक्वः पाउँगु धौ कयाः उकिं सँय् मालिस यानादिसँ । घौछि लिपा ख्वाउँलखं सँ चायाछ्वयादिसँ । थुकिं सँय् तुंचा वंकाबी ।
– न्ह्यः क्वातुक मवइगु जुयाच्वन धाःसा च्या–कफिया थासय् दुरु, धौ व महिया सेवन यायेमाः । थुकिं न्ह्यः बांलाक वयेकेत ग्वाहालि याइ ।
– छगू कप लैंचा, तःधंगु चम्चां निगू चम्चा धौ, छगू चम्चा कफी पाउडर, तःधंगु चम्चां छगू चम्चा अम्बःचुं, चिधंगु चम्चां छगू चम्चा खयःचुं थ्व सकतां ल्वाकछ्यानाः लखय् फ्वयाः घौछि त्वःता तयादिसँ, अनंलि सँया हाय् हाय् थ्यंक पानादिसँ । घौछि लिपा ख्वाउँलखं सँ चायादिसँ । छवाःया छक्वः थथे यानाच्वन धाःसा सँ बांलाइ, लिसें चमक नं दइ ।
– धौ व बेसन संकाः सँया हाय हाय थ्यंक पानादिसँ । घौछि लिपा छ्यं चायादिसँ । थुकिं तुंचा वंकाबी लिसें सँय् चमक नं दयावइ ।
– धलिइ मलय्चुं ल्वाकछ्यानाः म्वःल्हुल धाःसा तुँचा वनी । लिसें सँ सफा जुयाः नाइसे, हाकुसे व ख्वातुसे च्वनी ।
– धलिइ सिंचि ल्वाकछ्यानाः म्वःल्हुइ स्वयां घौछि न्ह्यः सँय् व सँया हाय् पानादिसँ । सँ हिनाः पोलीप्याकया दुने तयादिसँ । अनंलि घौछि लिपा ख्वाउँलखं म्वःल्हुयादिसँ । थ्व तुँचा वंकेगु व सँयात नाइसे च्वंकाः चमकदार दयेकेगु दकलय् बांलाःगु उपाय खः ।