स्वस्थ जुयाच्वनेगु झिगू बांलाःगु बानि
– पिहां वना वयाः छेँय् लिहां वयेधुंकाः पिनेया छुं वस्तु थिया वयेधुंकाः, नयेगु ज्वरय् याये न्ह्यः, नये न्ह्यः, नये धुंकाः व बाथरुम छ्यलेधुंकाः ल्हाः निपां साब्वनं बांलाक सिलादिसँ । छिगु छेँय् सुं चिधिकःम्ह मचा दुसा ला थ्व झन् हे आवश्यक जुइ । वयात थी न्ह्यः ल्हाः अवश्य सिलादिसँ ।
– छेँया सुचुकुचु यायेगु खँय् विशेष ध्यान तयादिसँ । विशेष यानाः भुतूक्वथा व चःबिइ । लः गनं नं मुंके बी मजिउ । सिंक, वास बेसिन, थेंज्याःगु थासय् न्हियान्हिथं सफा यानादिसँ, अले फिनाइल, फ्लोर क्लिनर आदिया छ्यलाबुला यानावं च्वनादिसँ । नयेगु चीज छुं नं पुसा उलाः त्वःता तयादीमते । कचिगु व बूगु नसाज्वलं अलग अलग हे तयादिसँ । नयेगु ज्वरय् यायेत व नयेत छ्यलेगु थलबल, अले फ्रिज व ओभन नं सफा यानातयादिसँ । प्याःगु थलबल गबलें नं ¥याकय् तयादीमते । प्याःनिगु थलबलय् पुसा तयादी नं मते ।
– सिसाबुसा व तरकारि ताजागु हे छ्यलादिसँ । छ्यलाबुलाय् वइगु मसला, अन्न व मेमेगु ज्वलं स्वथनेत पाय्छि तरिकां यानादिसँ । एक्सपायर डेट दुगु वस्तु खःसा डेट स्वयेगु खँय् ध्यान बियाच्वनादिसँ ।
– आपाः आपाः चिकं व मसला तयाः दयेकातःगु, बेक्ड व पचय् याये थाकुगु नसाज्वलं छ्यलादीमते । नसाज्वलं पाय्छि तापक्रमय् बुकादिसँ । माक्व स्वयां अप्वः बुकाः तरकारि आदिया पौष्टिक तत्व नष्ट यानादीमते । लिसें ओभन छ्यलेबलय् तापक्रमय् खास ध्यान बियादिसँ । नयेगु ज्वलं न्ह्याब्लें त्वपुया तयादिसँ, अले ताजा नसाज्वलं हे जक भपादिसँ ।
– न्हियान्हिथंया नसाज्वलनय् सलाद, धौ, दुरु, वाउँचा तरकारि, थीथी केँ व बूबः आदि अवश्य दुथ्याकादिसँ । छिगु डिनर प्लेटय् ‘भेराइटी अफ पूmड’ दयेकेगु कुतः यानादिसँ । नसा ज्वरय् यायेत व त्वनेत सफागु लः जक छ्यलादिसँ । तरकारि व सिसाबुसा बांलाक सिलाः जक छ्यलादिसँ ।
– नसाज्वरय् यायेत अनस्याचुरेटेड भेजिटेबल आयल (गथेकि सनफ्लावर आयल, ओलिभ आयल, सोयाबिन आयल)या छ्यलाबुलायात प्राथमिकता बियादिसँ । नसाज्वलनय् चिनि व चि नितांया मात्राया प्रयोग कमसे कम जक यानादिसँ । जंकफूड, सफ्टड्रिंक व आर्टिफिसियल चिनिं दयेकातःगु जूस आदि छ्यलादीमते । बहनिसिया बेलि च्याताः ईया दुने यायेगु कुतः यानादिसँ । अले थ्व प्वाः त्यंक भपादीमते ।
– थःपिं च्वनेगु व द्यनेगु क्वथा सफा व फय् गाक्क दुहां वइगु कथं दयेकादिँ । सिलः, फुंगाया खोल व पर्दा हिलावं च्वनादिसँ । मेटे«ेस अथवा गद्दीयात नं इलय् ब्यलय् निभालं खयेकाः थाथा यानादिसँ ।
– मेडिटेशन, योग वा ध्यानया छ्यलाबुला एकाग्रता अप्वयेकेत व तनाव मजुइकेत यानादिसँ ।
– न्ह्यागुसां छगू व्यायाम न्हियान्हिथं यानादिसँ । थुकिया निंतिं छुं मखुसां बाघौया ई बियादिसँ, अले ब्यायामया तरिका हिलावं च्वनादिसँ । मतलब गबलें एरोबिक्स यानादिसँ, गबें ब्वाँय् ब्वाँय् न्यासि झासँ । थज्याःगु छुं नं यायेत ई पिकाये मफुसा अफिस वा छेँयागु स्वाहानें याकनं याकनं थहां वनेगु यानादिसँ । अफिसय् नं ताउत छगू हे पोजिसनय् च्वंच्वने म्वायेकेगु कुतः यानादिसँ ।
– ४५ दँ दयेधुंकल कि रुटिन चेकअप याका च्वनादिसँ, अले यदि डाक्टरं छितः छुं वासः बिल धाःसा नियमित भपादिसँ । प्रकृतिया सतिक च्वनेगु ई अवश्य पिकयादिसँ । मस्तलिसे म्हितादिसँ, लहिनातयाम्ह जनावरलिसे ब्वाँय् झासँ, अले छेँजःपिं लिसे हल्काफुल्का मनोरञ्जनय् नं ब्वति कयादिसँ ।
LEAVE YOUR COMMENTS