हेटौंडाय् शंखधर साख्वाःया नामं उद्यान

येँ (नेपालभाषा टाइम्स) – हेटौंडाय् नेपाल संवत्या प्रवर्तक राष्ट्रिय विभूति शंखधर साख्वाःया नामं उद्यान दयेकीगु जूगु दु । बागमति प्रदेशया राजधानी हेटौंडाय् नेपाल संवत्या प्रवतर्क शंखधरया नामं उद्यान दयेकेत्यंगु खः ।

शंखधरया नामं दयेकेत्यंगु उद्यानया निंतिं बागमति प्रदेश सरकारं आर्थिक ग्वाहालि नं याइगु जूगु दु । बागमति प्रदेशया मुख्यमन्त्री डोरमणि पौडेलं शंखधर साख्वाःया नामं उद्यान दयेकेत प्रदेश सरकारपाखें १० गू लाख ग्वाहालि यायेगु प्रतिवद्धता प्वंकादीगु खः । नेवाः गुथि खलः मकवानपुरया वार्षिक साधारण सभाय् मूपाहांया थासं नवासें मुख्यमन्त्री पौडेलं उद्यानया निंतिं ग्वाहालि यायेगु प्रतिवद्धता प्वंकादीगु खः । मुख्यमन्त्री पौडेलं ज्याझ्वलय् नवासें नेवाः संस्कृति व परम्परा नेपाःया हे अमूल् निधि जूगु धासें थुकियात ल्यंका तयेगु अतिकं महत्वपूर्ण जूगु नापं चुनौति नं दु धयादिल ।

नेवाः परम्पराया संरक्षण व संवद्र्धनया निंतिं थःगु पहिचान ल्यंकेत गुथि खलःया भूमिका महत्वपूणृ जू धासें शंखधर साख्वाः उद्यान निर्माणया सफलताया नं कामना यानादिल । नेवाः गुथि खलकं नेपाल संवत्या प्रवर्तक शंखधरया नामं उगु उद्यान दयेकेत्यंगु खः ।

सम्बन्धित बुखँ

LEAVE YOUR COMMENTS