स्वनिगलय् युरेनियम ज्वन

येँ – आणविक बम दयेकेत छ्यलीगु रसायनिक पदार्थ युरेनियम स्वनिगलय् ज्थ्वंगु दु । येँया बौद्धं साढे २ किलो युरेनियम सहित प्यम्हेसित ज्वंगु खः । थ्व युरेनियम प्रशोधित मजूनिगु खँ प्रहरीं धाःगु दु । महानगरीय प्रहरी कार्यालय रानीपोखरीपाखें शुक्रवाः छगू पत्रकार सम्मेलन यानाः युरेनियम सहित ज्वंपिंत सार्वजनिक याःगु खः । प्रहरीं रामेछापया लिखु तामाकोशी गाउँपालिका ५ या ४० दँया नारायण सिंह तामाङ, थौंकन्हय् बौद्धय् च्वनाच्वंम्ह ४० दँया जानुका तामाङ, रामेछापया बागजोर नगरपालिका ४ या २० दँया प्रकाश चौहान व सिन्धुली सुनकोशी ४ या २० दाया मनोज न्यौपानेयात युरनियम लिसें सार्वजनिक याःगु खः ।

नेपालय् थुकथं युरेनियम हे ज्वंगु न्हापांखुसी खः । पत्रकार सम्मेलनय् न्ववासें एआईजी हरिबहादुर पालं नं नेपालय् युरेनियम ज्वंगु न्हापांखुसी जूगु खँ धयादीगु दु । वय्कलं तस्करतय् पाखें ज्वंगु पदार्थ परीक्षण याना स्वयाबलय् प्रशोधन यानामतःनिगु युरेनियम हे जूगु पुष्टि जूगु खँ नं धयादीगु दु । आः उमित विस्फोटक पदार्थ सम्बन्धी ऐन कथं कारवाही जुइ ।

प्रशोधित युरेनियम आणविक हतियार दयेकेत तकं छ्यलाबुला जुइ । प्रशोधित जूगु युरेनियम जुल धाःसा थुकिया भाः अर्बौ तका तुइगु खँ धाःगु दु ।

सम्बन्धित बुखँ

LEAVE YOUR COMMENTS