त्वाःत्वालय् दीपावली, दाहाल व नेपालं लड्डु नल

येँ -सर्वोच्चं म्हिगः संसद पुनस्र्थापनाया फैसला यायेवं दाहाल–नेपाल पुचःया कार्यकर्ता–तय्सं येँया सतकय् मत च्याकाः दीपावली याःगु दु । फैसला पिहां वयेवं दाहाल–नेपाल पुचःपाखें लसता प्वंकुसे दीपावली याःगु खः । लिसें म्हिगः हे देय्या थीथी थासय् लसता प्वंकुसें ¥याली पिकायेगु ज्या याःगु खः । नापं जनता समाजवादी पार्टीया कार्यकर्तातय्सं नं म्हिगः सतकय् कुहां वयाः मत च्याकुसें दीपावली याःगु दु । म्हिगः हे तानाशाही मूर्दावाद धइगु नारा लगे यानाः ¥याली नं पिहां वःगु दु ।

थ्व फैसला वयेवं कन्हय् जुइगु आमसभाय् सम्बोधन यायेत चितवन वयाच्वंपिं पुष्पकमल दाहाल व माधव नेपालं थःपिं च्वनाच्वनागु होटलय् हे लड्डु नयेगु नकेगु यासें लसता प्वंकूगु दु ।

नेपालभाषा टाइम्स

च्वमिया मेमेगु

• जुगि जातया आवासया समस्या
• मेलम्चीया लः वइगु अझं अनिश्चित
• बँ पसः तयेके हे मबीगु बालेनया अडान
• फणीन्द्रयात सिद्धिदास सिरपाः
• इहिपा ज्याझ्वलय् मिं नयाः सछिम्ह मल्याकं सित