लुँया भाः अझं अस्थिर

येँ (नेपालभाषा टाइम्स)÷मध्यपूर्वय् न्ह्यानाच्वंगु युद्धया कारणं विश्वया लुँ वहः बजाः अस्थिर जुयाच्वंगु दु । वंगु छवाः न्ह्यः तक निरन्तर रुपं थहां वंगु लुँया भाः म्हीग व म्हिगः न्यासः न्यासः तका कुहां वयाः १ लाख १६ हजार तका थ्यंगु दु । म्हिग अन्तर्राष्ट्रिय लुँ बजारय् लुँ प्रतिऔंश १९९३ डलर कुहां वःगु खःसा वयां लिपा हाकनं थहां वनाः १९९९ डलर थ्यंगु खः । बजाः विश्लेषक तेजरत्न शाक्यया कथं मध्यपूर्वया युद्धं यानाः बजाः अस्थिर जुयाच्वंगु खः ।

अन्तर्राष्ट्रिय बजारय् लुँया भाः कुहां वःसां हाकनं थहां वनेफइगु सम्भावना दुगु खँ वय्कलं कनादिल । विश्व अर्थतन्त्रय् मुद्रास्फीति अप्वया वंगुया लिच्वः नं लुँया बजारय् लानाच्वंगु दु ।

थ्वहे झ्वलय् अमेरिकी फेडरल बैंकं जी–२० राष्ट्रया केन्द्रीय बैंकतय्गु बैठक सःताः मुद्रास्फीति २.२ प्रतिशत कायम यायेगु तयारी यानाच्वंगु दु । तर मुद्रास्फीति २.२ प्रतिशतय् कुहां वःसां नं लुँया भावय् धाःसा लिच्वः लाइगु सम्भावना मदुगु खँ नं वय्कलं कनादिल । म्हिगः लुँया भाः न्यासः तका कुहां वःसां नं वहःया भाः धाःसा १० तका थहां वंगु खः । म्हिगः वहः तोलां १४२० तकां कारोबार जूगु खः ।

नेपालभाषा टाइम्स

च्वमिया मेमेगु

• निम्ह साहित्यकारया थौं बिचाः मुँज्या
• एमालेया संकल्प यात्रायात पहिचानवादीया हाथ्या
• शरणार्थी काण्डय् गुम्हेसित कुना हे तइगु
• भाषा विधेयक राजपत्रय् पिहां वल
• रुसी सेनाय् नेपाःमि बारे अध्ययन समिति