बलिउड अभिनेता सुशान्त सिंह राजपुतपाखें अत्महत्या

मुम्बई (बीबीसी) – बलिउड अभिनेता सुशान्त सिंह राजपुतं मुम्बईया बन्द्राय् च्वंगु थःगु छेँय् अत्महत्या याःगु दु । आत्महत्याया कारण धाःसा सीकेमफुनी । ३४दँया राजपुतया छेँय् ज्या याइम्हेसिनं बान्द्र पुलिस स्टेशनय् आत्महत्याया बारे जानकारी बिउगु खः ।

टिभी ज्याझ्वःपाखें थःगु करियर सुरु याःम्ह राजपुतं छुं दँ थुके बलिउडय् म्हितुगु बांलागु भूमिकाया निंतिं तारिफ जुयाच्वंगु खः । ‘काई पो चे’ संकिपापाखें फिल्मी यात्रा सुरु याम्ह सुशान्तं बलिउड स्टार आमिर खाननाप ‘पिके’ नांगु संकिपाय् तकं ज्या यायेधुंकूगु दु । ‘एमएस धोनी : द अनटोल्ड स्टोरी’, ‘छिछोरे’ थज्याःगु हिट फिल्म म्हितुम्ह सुशान्त १९८६स बिहारया पटनाय् बुम्ह खः ।

झिन्हु न्ह्यः जक कलाकार सुशान्तं थःगु इन्स्टाग्राम पोष्टय् थः मां नापया किपा तःगु खः ।