आदिवासी जनजाति साहित्यकार महासंघ गठन

येँ (नेपालभाषा टाइम्स) – नेपाःया आदिवासी जनजाति साहित्यकारतय् राष्ट्रिय संगठनकथं आदिवासी जनजाति साहित्यकार महासंघ नेपाल गठन याःगु दु। नेपाल आदिवासी जनजाति महासंघया कुसा संगठनकथं गठन याःगु महासंघया संयोजकय् साहित्यकार राजन मुकारुब च्वनादीगु दु ।

नेपाल आदिवासी जनजाति महासंघया अध्यक्ष जगत बरामया उपस्थितिइ जूगु आदिवासी जनजाति साहित्यकारतय् भेलां महासंघया सह संयोजकय् सरस्वति प्रतीक्षा लालचन व टंक सेलिङ, सचिवय् बुद्ध योञ्जन व आर्थिक संयोजकय् उर्मिला गम्बा थारु च्वनादीगु दु। दुजलय् अञ्जना इछमफुल, अनन्त दनुवार, उत्तम सुनुवार, कृष्ण मेचे, कृष्णराज सर्वहरी, तेजेन्द्र ताजपुरिया, निशा रुम्बा, नेपोलियन चेपाब, रजनी मिला महर्जन, बेचन उराव, विष्णु सिँजाली, भीम किसान लगायत च्वनादीगु दु ।

थुकथं हे राज्य समितिइ ईश्वर थोकर (ताम्सालिङ), शाक्य सुरेन (नेवाः), छम गुरुङ (तमुवान), गणेशकुमार राई (किरात), जीवन रोकामगर (मगरात), छविलाल कोपिला (थरुहट), मधु केरुङ (लिम्बुवान) संयोजककथं च्वनादीगु दु। मण्डला थिएटरय् जूगु घोषणा सभां महांसंघया युरोप, बेलायत, मलेशिया, बहराइन, अमेरिका, संयुक्त अरब इमिरेट्स, ओमान, साउदी अरब, अस्ट्रेलिया, दक्षिण कोरिया, जापान, हबकबल, कतार लगायत अन्तर्राष्ट्रिय समिति नं गठन याःगु दु। वइगु फागुनया दुने छगू भेला यानाः पूर्ण कार्यसमिति गठन यायेगु नं जानकारी बिउगु दु ।

सम्बन्धित बुखँ

LEAVE YOUR COMMENTS