येँ देय् बही सर्वसंघया गुथि

येँ (नेपालभाषा टाइम्स) – येँ देय् बही सर्वसंघया दँमुँज्याकथं न्यायेका वयाच्वंगु गुथि वंगु शनिवाः जुल । थुगुसी सर्वसंघया बही थाय्पा दुगंबहीया पूर्णबहादुर शाक्यपाखें गुथि न्यायेकगु ज्या जूगु खः । थँबही व दुगंबहीया गंधुरी द्यः पुजा यानाः शुरु जूगु गुथिइ येँ देय् बही सर्वसंघया मू थाय्पा श्रद्धेय पुष्पराज शाक्य, थाय्पापिं पन्नाकाजी शाक्य, राम शाक्य, अष्टरत्न शाक्य, न्हुछेरत्न शाक्य नं उपस्थिति जुयादीगु खः ।

अथे हे मेपिं थाय्पा व प्रतिनिधिकथं पूर्णरत्न शाक्य (चाबही), मोतिमान शाक्य (क्वथु दुगंबही), प्रेमरत्न शाक्य (गणबही), लोकरत्न शाक्य (क्थु अतलखु बहीं, मोहनरत्न शाक्य ‘माणिक’ (अतलखु बही), मनिष शाक्य (बिज्यासः बही), रत्न शाक्य (कुतुबही), महेन्द्र शाक्य (मरुबही), राजेश शाक्य (च्वाकंबही)या नं सहभागि जुयादीगु खः ।

परम्परागत रुपं न्यायेका वयाच्वंगु पुजा लिपा पंचदान नं बीगु ज्या जूगु खः । उपस्थित सकसितं भोजन याकेधुंकाः पाःब्व नं लःल्हाःगु खःसा आकिवंया निंतिं क्वथु दुगंबहीया प्रतिनिधि मोतिमान शाक्ययात थुगुसीया पाःलाःपाखें पाःब्व लःल्हाःगु खः ।

नेपालभाषा टाइम्स

च्वमिया मेमेगु

• जुगि जातया आवासया समस्या
• मेलम्चीया लः वइगु अझं अनिश्चित
• बँ पसः तयेके हे मबीगु बालेनया अडान
• फणीन्द्रयात सिद्धिदास सिरपाः
• इहिपा ज्याझ्वलय् मिं नयाः सछिम्ह मल्याकं सित