ने. सं. ११४६ बछलागा चौथी -

थौं कतिं पुन्हि, मोहनि क्वचाल

येँ – थौं कतिं पुन्हिया बहनीनिसें मोहनि नखः क्वचाइगु जूगु दु । मोहनिया नखत्या सःतीपिंसं थाैं बहनीतक जक सःतेगु धइगु मान्यता दु । सोह्रश्राद्धबलय् पितृपक्ष व नःलास्वनेगु खुन्हुनिसें थौ तक मातृपक्ष धकाः पात्रोय् न्ह्यथनेगु यानातःगु दु । थौंहे बहनीनिसें लच्छियंकं आलमत तयेगु चलन दु । आलमतयात आकाशदीप धासें महाद्यःया काय् कुमार वा कार्तिकेययात मत क्यनेगु धकाः नं धायेगु याः । गुथि दुपिंसं सिँया थामय् चाया थलय् तयाः व व्यक्तिगत रूपं तइपिंसं पल्लिइ पं तयाः खिपतं थकयाः मत तयेगु याः । बौद्ध परम्पराय् थनिंनिसें हे भिक्षुपिनि वर्षावास क्वचाइ । म्हिगःया न्हियात सीघः पुन्हि व थौंया न्हियात कतिं पुन्हि धायेगु याः ।