ने. सं. ११४४ कौलाथ्व दशमी - स्याक्वत्याक्व

कात्तिप्याखंयात न्यय्गू लाख लःल्हात

यल (नेपालभाषा टाइम्स) – यल महानगरपालिकां कात्तिक नाच संरक्षण समितियात ५० लाख तका लःल्हाःगु दु । यलया मेयर चिरीबाबु महर्जनं समितिया अध्यक्ष किरण चित्रकारयात म्हीग कात्तिक नाच संरक्षणया निंतिं अक्षयकोष स्वनेत उगु दांया चेक लःल्हानादीगु खः । चेक लःल्हासें मेयर महर्जनं थगुने थम्हं अक्षयकोष नीस्वनेत ग्वाहालि यायेगु बचं बियागु खःसा थुगु दँय् उगु ध्यबा बीत थः ताःलाःगु खँ कनादिल । वय्कलं खोनाया रुद्रायणी द्यः प्याखंयात नं संरक्षण यायेमाःगु धासें उकिया निंतिं नं ग्वाहालि यायेगु योजना दुगु खँ कनादिल ।