नवदुर्गा द्यःयात हासा पाय्पाःगु लप्ते

ख्वप- सनिवाः ख्वपय् राष्ट्रपति विद्यादेवी भण्डारीं द्यः ब्वयेकेगु झ्वलय् नवदुर्गायात छाःगु ब्व चर्चाया विषय जूवन । न्हापा लिपा सर्वसाधारण भ्वय्ब्व तइबलय् उलि तपाःगु लप्ते छ्यलेगु मयाः । तर नवदुर्गा द्यः ब्वयेकीगु इलय् तइगु भ्वय्ब्व धाःसा तसकं हे तपाःगु ब्व तयाः भ्वय्ब्व तःगु खनेदत । नवदुर्गा गणया कथं उगु भ्वय्ब्व ४८ सेन्टिमिटर दुगु लप्ते जुइमाःगु खः । शास्त्रीय नियम कथं हे थथे जुइमाःगु उमिगु मान्यता दु । ब्व छपाः दयेकेत हे झिथू लप्ते माः । अले छपाः लप्तेया मू नं ९० तका तू । थ्व पुजाय् लप्तेया लागिं जक झिंच्याद्वः दां खर्च जूगु नेपाल उद्योग वाणिज्य महासंघया पुलांम्ह उपाध्यक्ष कृष्णप्रसाद ताम्राकारं नेपालभाषा टाइम्सयात कनादिल । थ्वयां न्ह्यः नं वय्कलं थज्याःगु कथं दँय्दसं नवदुर्गाया द्यः ब्वयेकेगु ज्या यानादीगु खः ।

ख्वप नगरपालिकां लाय्कू लागाया चक्कंगु थासय् मयाके धुंकाः थःपिं जिल्ला समन्वय समितिया चौरय् च्वंगु स्वंगू रोपनी जग्गाय् उगु ब्व छायेगु ज्या यायेत बाध्य जूगु खँ न्ह्यथँसें वय्कलं आवंनिसें दँय्दसं हे लाय्कू दथुइ हे थ्व नवदुर्गाया द्यः ब्वयेकेगु ज्या थम्हं यानां हे त्वःतेगु खँ कनादीगु दु । आः थें हे नियमित ब्व छाइगु इलय् फछि सबुं स्वफा बजि तयाः ब्व छाइ । उगु ब्वय् ला व लापी, तकूला, वाउँचा, सिंके, क्वाःघासा, वाउँचा, आलु, चना, पालुक्व, लाभा, मुस्या, भुति, सिमि लगायत थीथी परिकार छाइगु खः । थज्यागु विशेष ब्व टौमढीइ न्यातँपौ
देगःया स्वसःदँ क्यंगु इलय् स्वमुरि बजि तये जीक लप्ते तःगुयात आः तकया दकलय् तपाःगु लप्ते धाइ ।

सम्बन्धित बुखँ

LEAVE YOUR COMMENTS