चाबही गणेद्यःया जात्राया नं दित

येँ (नेपालभाषा टाइम्स) – दँय्दसं सकिमिला पुन्हि कुन्हुनिसें न्ह्याइगु चाबही गणेद्यः (चन्द्र विनायक) व भैरवनाथया सिन्दुर जात्रा नं थुगुसी दिउगु दु । कोरोना महामारीया कारणं थुगुसी जात्रा मयासे विधि कथं पुजा जक याइगु खँ धाःगु दु । थ्यंमथ्यं स्वसःत्या दँ न्ह्यवंनिसें जुया वयाच्वंगु थ्व जात्रा पशुपति अमालकोट कचहरीया द्वारें गणेद्यःयाथाय् विशेष पुजा यायेधुंकाः सुरु जुइगु खः । प्यन्हु यंकं जुइगु जात्राया झ्वलय् गणेद्यःयात पशुपति, जयबागेश्वरी, मित्रपार्क, चाबही, चुच्चेपाटी लागाय् खतय् तयाः चाःहीकेगु याइ । थ्व जात्रा नेपाल संवत् ८०१ य् जुजु भूपालेन्द्र मल्लं सुरु यानाथकूगु विश्वास यानातःगु दु ।

सम्बन्धित बुखँ

LEAVE YOUR COMMENTS