मुख्यमन्त्री पौडेलया दावी

येँ (नेपालभाषा टाइम्स)÷बागमती प्रदेशया मुख्यमन्त्री डोरमणि पौडेलं थः विरुद्ध हःगु अविश्वासया प्रस्ताव जनमतया दुरुपयोग खः धयादीगु दु । बिहीवाः हेटौंडाय् ओली पक्षया बृहत् कार्यकर्ता भेलाय् न्ववासें मुख्यमन्त्री पौडेलं कांग्रेसया सांसदं विरोध मयाःसां नेकपाया कार्यकर्तां विरोध यानाच्वंगु खँ कनादिल ।

मुख्यमन्त्री पौडेलं नेकपा तछ्यायेत स्वःपिं दाहाल-नेपालयात तिबः बीगु महाभूल जुइगु खँ नं धयादीगु दु । वय्कलं धयादी, ‘याकनं हे माधव नेपाल ओलीया शरणय् वइ ।’ प्रमयात अविश्वास व राष्ट्रपतियात महाअभियोग लगे यायेत्यंगुलिं प्रम ओलीं बाध्यात्मक पलाः छिउगु दावी नं वय्कलं यानादिल । वय्कलं विघटन विघटनया समर्थन यासें धयादिल, ‘प्रधानमन्त्री ओलीं संविधानय् दुगु व्यवस्था कथं हे संसद विघटन याःगु खः ।’