संसदया लोगो सांसदपाखें अस्वीकार

येँ (नेपालभाषा टाइम्स) – संसदं थः सांसदतय्त बीगु लागिं दयेका हःगु न्हूगु लोगोयात स्वयम् सांसदतय्सं हे अस्वीकार याःगु दु। येँया सांसद जीवनराम श्रेष्ठं उगु लोगो तसकं भद्दा जूगु धासें उकियात खारेज यानाः न्हूगु दयेकेत इनाप यानादीगु दु। थःगु लागिं न्हूगु लोगो दयेकेत माःगु खर्च बरु थम्हं हे पुलेगु खँ नं वय्कलं धयादीगु दु ।

न्हूगु लोगोय् तयातःगु नेपाःया न्हूगु नक्सा तसकं बांमलाःगु व उकी रंग पाना तःगु नं फोहोर खने दुगुलिं संसद दुने हे उकिया आलोचना जुयाच्वंगु दु ।