योगेन्द्रमान व नारायणदेवीयात तेजतीर्थ सिरपाः

येँ -नेपालभाषा टाइम्सया च्वमि इतिहासविद् योगेन्द्रमान श्रेष्ठ व वरिष्ठ साहित्यकार नारायणदेवी प्रधानयात थुगुसीया तेजतीर्थ सिरपाः लःल्हाःगु दु । म्हिगः छगू ज्याझ्वःया दथुइ गणतन्त्र नेपाःया न्हापांम्ह राष्ट्रपति डा. रामवरण यादवं वय्कःपिंत थ्व सिरपाः लःल्हानादीगु खः । सिरपाः न्यय्द्वः तका व दसिपौ सहितया खः ।

सिरपाः भाजु पुलांम्ह मन्त्री लिसें नेवाः न्ह्यलुवाः तीर्थराम डंगोलं थः अबु जुजुभाइ डंगोल व मां नानीमय्जु डंगोलया लुमन्तिइ नीस्वनातःगु खः ।

भाजु डंगोलं थः व थः जहानया नामं नीस्वनातःगु तेज–तीर्थ ट्रस्ट पाखें थ्व सिरपाः बीगु याना वयाच्वंगु खः । बिहिवाः शान्तिबाटिकाय् जूगु छगू ज्याझ्वःया दथुइ लःल्हाःगु खः । ज्याझ्वलय् थीथी व्यक्तित्वपिंत मानवअधिकार सिरपाः, पत्रकारिता सिरपाः, प्रजातान्त्रिक आन्दोलन सिरपाः नं लःल्हाःगु खः ।

सम्बन्धित बुखँ

LEAVE YOUR COMMENTS