प्राचीन मूर्ति खुया यंकल

येँ (नेपालभाषा टाइम्स) – येँय् नं उत्तरपाखे लाःगु धमाथुलिं प्राचीन देवीया मूर्ति खुया यंकूगु दु । धमाथूस्थित नारायण द्यःया देगः परिसरय् च्वंगु भृकुटी तारा देवीया पुलांगु मूर्ति खुया यंकूगु खः । मूर्ति खुया यंकूगु विषययात कयाः स्थानीवासीं प्रहरीयात रिपोर्ट बी धुंकूगु दुसा पुरातत्व विभागयात नं थ्व सम्बन्धय् जानकारी याकूगु दु । द्यः खुया यंकूगु विषयय् विभागय् नं निवेदन दर्ता यानागु स्थानीयवासीं धाःगु दु । स्थानीयवासीयाकथं मूर्ति खुया यंकूम्ह व्यक्तियात मालेगु ज्या जुयाच्वंगु दु । उगु लागाय् तयातःगु सीसीटीभी क्यामराया लिधंसाय् मूर्ति खुया यंकूम्ह मनूयात मालेगु ज्या जुयाच्वंगु स्थानीयं धाःगु दु ।