इमेज च्यानलया नेवाः बुखँ बन्द याइगु

येँ -लोकंह्वाःगु टिभी च्यानल इमेज च्यानलपाखें न्हिंन्हिं बहनी १०.१५ बजे प्रशारण जुया वयाच्वंगु नेपालभाषाया बुखँ थ्वहे वइगु चैत १ गतेनिसें बन्द याइगु जूगु दु । इमेज च्यानलया न्हूम्ह कार्यकारी अधिकृत लक्ष्मण हुमागाइँ चैत १ गतेनिसें नेपालभाषाया बुखँ चीकेगु निर्णय याःगु खँ सीदुगु दु । नेपालभाषा बुखँया लागिं प्रायोजक मवःगु धासें वय्कलं आः सुथसिया बुलेटिन जक कायम यानाः बहनीसिया बुलेटिन बन्द यायेगु निर्णय जूगु जानकारी सञ्चारकर्मीतय्त बियादीगु खः । थ्व विषययात कयाः भाषाह्यमितय्सं इमेज च्यानलया प्रमुख भाजु आर.के. मानन्धरलिसे खँल्हाबल्हा यायेगु कुतः यानाच्वंगु खँ सीदुगु दु ।

सम्बन्धित बुखँ

LEAVE YOUR COMMENTS