‘ल्यासे मय्जु गुलि बांला…’या प्रिमियर

येँ – येँ महानगरपालिका १८ वडाया अध्यक्ष न्हुछेकाजी महर्जनं च्वयादीगु म्येँया प्रिमियर जूगु दु । येँ महानगरपालिकाया मेयर विद्यासुन्दर शाक्यं वंगु कौलागा १४ शनिवाः छगू ज्याझ्वःया दथुइ ‘ल्यासे मय्जु गुलि बांला…’ म्येँया म्यूजिक भिडियोया उलेज्या यानादीगु खः ।
सः व संगीत सुमन कपालीया दुगु थ्व म्येँया म्युजिक भिडियोया निर्देशन विजय सिंहं यानादीगु खःसा नृत्य निर्देशन सितु महर्जनं यानादीगु खः । थ्व म्येँय् लोकंह्वाःम्ह कलाकार राजु महर्जन लिसें अल्का महर्जनया अभिनय स्वयेखनी ।