न्याक्वःगु नेवाः हाइकु वाचन

येँ (नेपालभाषा टाइम्स) – नेवाः हाइकु ख्यःया ग्वसालय् लय्लय् (महिना) पतिकं न्ह्यानाच्वंगु ‘भर्चुयल नेवाः हाइकु वाचन ज्याझ्वः-०५’ जूम पाखें क्वचाःगु दु ।

ध्रुव मधिकःमिं समिक्षाया झ्वलय् हाइकु विधाया विकास नेपालभाषा ख्यलय् बुलुहुं व नियमित न्ह्यानाच्वंगु न्ह्यथनादिल नापं प्रविधियात छ्यलाः नेवाः हाइकु ख्यलं यानाच्वंगु योगदान च्वछायेबहः जूगु धयादिल । अथेहे ज्याझ्वलय् डा. पुष्पराज राजकर्णिकार, प्रेमशन्ति तुलाधर, दिलबहदुर चित्रकार व मेमेपिं सहभागिपिंसं नं थःथःगु खँ ब्याकादीगु खः । थुगु संस्करणया ज्याझ्वलय् प्यम्ह हाइजिनपिं प्रदीप तुलाधरं ‘नुगलय थ्वःगु सः’, किशोर धूसलं ‘बुद्ध व कोरोना’, मोतिशान्ति शाक्यं ‘जिगु झिपु हाइकु’, व मंगल नारायण जोशीं ‘लकदाउन’ शीर्षकय् झिपु झिपु हाइकु वाचन यानादीगु खः ।

ज्याझ्वः नेवाः हाइकु ख्यःया कजि सुरेश प्रधानं न्ह्याकादीगु खःसा प्राविधिक ग्वाहालि केशरमान ताम्राकारं यानादीगु खः । ज्याझ्वलय् ब्वति कयादीपिं सकलसियां थवंथवय् नेपाल संवत् ११४१ न्हूदँ व स्वन्ति नखःया लसताय भिंतुना कालबिल याःगु खः ।

नेपालभाषा टाइम्स

च्वमिया मेमेगु

• भ्वँतय् न्हापांखुसी नेपालभाषा साहित्य तःमुँज्या
• न्हूदँया लसताय् येँ–चौतारा मोटरसाइकल र्‍याली
• संस्कृतिविद् गणेशराम लाछिया ७५ क्वःगु बुन्हि हन
• लुँया भावय् न्हूगु कीर्तिमान
• नेपालय् न्ह्यानाच्वंगु जुजुवादी आन्दोलन, भारतीय हिन्दूत्वया लिच्वः