संघीयताया स्वंगू ऐन वइगु

येँ (नेपालभाषा टाइम्स)- प्रधानमन्त्री पुष्पकमल दाहालं संघीयता कार्यान्वयन यायेत मदयेक मगाःगु स्वंगू महत्वपूर्णगु ऐन याकनं हे जारी यायेगु खँ कनादीगु दु । म्हिगः बालुवाटारय् सत्ता गठबन्धनया शीर्ष नेतात व न्हय्गुलिं प्रदेशया मुख्यमन्त्रीत लिसे सहलह यासें वय्कलं थ्व खँ धयादीगु खः ।

सहलहया झ्वलय् मुख्यमन्त्रीतय्सं संघं ऐन मदयेकूगुलिं प्रदेश व स्थानीय तहं तकं माःगु कानुन दयेके मफुगु व दयेकूसां नं कार्यान्वयन याये मफुगु धासें संघीयता कार्यान्वयनय् संघ सरकार व राजनीतिक दलतय्सं नं तदारुकता क्यनेमाःगु सुझाव बिउगु खः ।