गलत म्यासेजपाखें सचेत जुइत इनाप

येँ (नेपालभाषा टाइम्स) – नेपाल दूरसंचार प्राधिकरणं मोबाइल सेवा प्रदायक कम्पनीया नेटवर्क छ्यलाः गलत व भ्रामक सन्देश प्रवाह जुयाच्वंगुलिं सचेत जुइत धाःगु दु। प्राधिकरणया कथं मोबाइलया सर्ट म्यासेज सर्भिस (एसएमएस) छ्वयाः व सामाजिक सञ्जालपाखें मोहनिबलय् कफ्र्यु तइगु, संकटकाल तइगु धकाः सुचं वयाच्वंगुलिं थज्याःगुपाखें सचेत जुइत धाःगु खः । थथे म्यासेज छ्वइपिंत कारवाही यायेगु व्यवस्था दुगु खँ नं प्राधिकरणं धाःगु दु ।